Plantun de Prouvènço

Pèr coumpara dos planto d'encò nostre

Bifora testiculata & Stellaria nemorum

Bifora testiculata

Apiaceae Umbelliferae

Nom en français : Bifora à testicules.

Descripcioun :
L'anis-pudènt-à-roubignòli es uno planto devengudo raro que se pòu trouba encaro dins li champ de cerealo cultiva à l'anciano. Se recounèis à soun óudour forto que rapello lou couriandre fres, si fueio descoupado e subretout si fru que dounon d'èr à de roubignòli o s'amas mies d'alibòfi o ..., ço que se vèi deja souto li flour.

Usanço :
Pèr d'ùni, pudis que noun sai, mai à nautre es uno óudour que nous agrado. Pamens sabèn pas s'èi poussible de se n'en servi coume lou couriandre. Escriéure au site s'avès d'entresigne.

Port : Erbo
Taio : 20 à 40(60) cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Bifora
Famiho : Apiaceae
Famiho classico : Umbelliferae

Ordre : Apiales

Coulour de la flour : Blanco
Petalo : 5
Ø (o loungour) flour : Pancaro entresigna
Flourido : Printèms

Sòu : Ca
Autour basso e auto : 0 à 600 m
Aparado : Noun
Remarco : Champ de cerealo

Liò : Champ - Meissoun
Estànci : Mesoumediterran
Couroulougi : Pancaro entresigna
Ref. sc. : Bifora testiculata (L.) Spreng., 1820

Esteleto(-de-bos)

Stellaria nemorum

Caryophyllaceae

Noms en français : Stellaire des bois, Stellaire des forêts.

Descripcioun :
L'esteleto-de-bos subsp. nemorum èi di proun raro dins noste relarg. Se destrìo de la subsp. montana que si bratèio en formo de fueio soun de mai en mai pichoto à flour e mesuro que mountas dins la planto. Apoundèn que li grano porton de gibeto en formo de musclau.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai. Tant se pòu que siegue manjadisso e vertuouso coume soun cousin lou mourihoun.